АУТЕНТИКАЛЫҚ КОНТЕНТТІ ОҚЫТУ ПРОЦЕСІНЕ ЕНГІЗУДІҢ МӘСЕЛЕЛЕРІ ЖӘНЕ ПЕРСПЕКТИВАЛАРЫ
Анотація
Бұл мақалада оқу үдерісіне аутентті контентті интеграциялау мәселесі, әсіресе шетел тілін оқыту контексінде қарастырылады. Аутентті контент деп оқу мақсаттарына арнайы арналмаған, алайда тілдік және мәдени құзыреттілікті қалыптастыруда тиімділігі жоғары шынайы өмірлік материалдар – фильмдер, подкасттар, әлеуметтік желілердегі жазбалар мен басқа да цифрлық ресурстар түсініледі. Зерттеудің мақсаты – аутентті материалдарды қолданудың студенттердің мотивациясына, оқу үдерісіне белсенді қатысуына және тілдік дағдыларын жетілдіруге әсерін анықтау, сондай-ақ оны енгізу барысында туындайтын әдістемелік қиындықтарды сипаттау. Эмпирикалық деректер Орал қаласындағы жалпы орта білім беретін мектептерде білім алатын 12 оқушы және 8 ағылшын тілі пәні мұғалімімен жүргізілген сауалнама, жартылай құрылымдалған сұхбат, сыныптық бақылау және оқушылардың рефлексиясы арқылы жиналды. Зерттеу нәтижелері аутентті контенттің коммуникативтік құзыреттілік пен мәдениаралық танымдылықты дамытуға оң ықпал ететінін көрсетті. Алайда, оқу деңгейлерінің әртүрлілігіне бейімдеу, дайындық уақытының шектеулілігі және пайдалануға дайын материалдардың жетіспеушілігі сияқты кедергілер тиімді енгізуге тосқауыл болуда. Зерттеу мұғалімдердің кәсіби даярлығын арттыру және сапалы оқу-әдістемелік ресурстарды әзірлеу аталған мәселелерді еңсерудің маңызды тетіктері екендігін көрсетеді. Мақалада аутентті контентті тілдік білім беру жүйесіне табысты ендіру бойынша практикалық ұсыныстар мен болашақ зерттеу бағыттары ұсынылған.
