МЕКТЕП ОҚУШЫЛАРЫНЫҢ ҰЛТТЫҚ ҚҰНДЫЛЫҚТАРҒА ДЕГЕН ҚҰРМЕТІН ҚАЛЫПТАСТЫРУ

Анотація

 Мақалада Қазақстан мектептеріндегі оқушылардың ұлттық тәрбиесін қалыптастырудың негізгі аспектілері қарастырылады. Сонымен қатар, көпбейінді оқу ұжымында толеранттылық пен өзара түсіністік атмосферасын құруға бағытталған ұлттық тәрбиенің ерекшеліктері талданады. Қазақстанның көпұлтты қоғамында әртүрлі мәдениеттерге ортақ жалпыадамзаттық құндылықтар әдіснамалық негіз ретінде қарастырылуы тиіс екендігі атап өтіледі. Ұлттық қадір-қасиетке тәрбиелеу оқушылардың өз халқы мен мәдени мұрасын терең түсініп, мақтаныш сезімін қалыптастыруға бағытталуы қажет. Бұл толеранттылық пен басқа мәдениеттерді құрметтеуге негізделуі тиіс. Осы құндылықтар өзара сыйластыққа негізделген ұлтаралық қарым-қатынастарды қалыптастырудың маңызды тірегі болып табылады. Мақалада ұлттық тәрбиені дамытуға ықпал ететін педагогикалық факторлар, қазақстандық білім беру жүйесі шешетін оқушылардың ұлттық санасын қалыптастыру міндеттері сипатталады. Көпұлтты білім беру ортасында ұлттық қадір-қасиетті сіңіру педагогтардан әр баланың ішкі әлемін терең түсініп, оны құрметтеуді талап етеді. Мектеп – тек білім беретін мекеме ғана емес, сонымен қатар, оқушының тұлғалық дамуы мен азаматтық санасының қалыптасуына ықпал ететін басты әлеуметтік институт. Осыған байланысты оқушылар тек білім алып қана қоймай, ұлттық мәдениетті сақтау мен дамытуға белсенді атсалысатын, өз елінің жауапкершілікті әрі патриот азаматтары ретінде қалыптасатын білім беру ортасын құру маңызды.